Axiom Worldwide (ABŞ) istehsalı olan DRX9000™ onurğa dekompressiyası sisteminin klinik tədqiqatları

G.N. Minukov, E.V. Vorobiev. Clinical Studies for Spinal Decompression System DRX9000™ - Manufactured by Axiom Worldwide, USA. Conducted in the Neurology Unit of Municipal Clinical Hospital, May 13, 2006 - July 24, 2006. Klinik sınaqlar aktı, ingilisdilli versiya.

İngilisdilli versiya DRX9000-in o vaxtkı istehsalçısı olan Axiom Worldwide şirkəti (Tampa, Florida, ABŞ) tərəfindən tarixsiz broşür şəklində dərc olunub; aşağıdakı tərcümə bu broşürün Excite Medical şirkətinin təkrar yaydığı variantının (PDF, 2011) mətni əsasında hazırlanıb. Aktın jurnalda nəşri, DOI-si və ya PubMed-də qeydi tapılmayıb.

G.N. Minukov, Manager of Neurology Unit; E.V. Vorobiev, Doctor of Neurology Unit.

Sənəddə müəllif hüququ və ya lisenziya barədə bildiriş yoxdur.

Aktın rus dilindəki orijinalı əlçatan olmadığı üçün ELTECH onun ingilisdilli versiyasını rus dilinə tərcümə edib. Azərbaycan dilinə tərcüməni də ELTECH hazırlayıb: mətn bu rus dilindəki tərcümə əsasında tərcümə olunub və aktın ingilisdilli versiyası ilə tutuşdurulub. Mətn ixtisar edilmədən və dəyişdirilmədən verilib.

Giriş: Axiom Worldwide istehsalı olan DRX9000™ onurğa dekompressiyası sisteminin klinik tədqiqatları 13 may 2006-cı il tarixindən 24 iyul 2006-cı il tarixinədək 40 nömrəli Şəhər Klinik Xəstəxanasının nevrologiya şöbəsində aparılıb.

Aktın məzmunu: DRX9000™ L5–S1 (15 pasiyent), L4–L5 (4 pasiyent) və L3–L4 (2 pasiyent) disk yırtıqları olan pasiyentlərin müalicəsi üçün istifadə olunub.

Yekun: DRX9000™ funksionallığına görə Rusiyada yerli analoqlara malik deyil və onurğanın dekompressiyası üçün hazırlanmış bütün digər cihazlardan xeyli üstündür. L5–S1 onurğa səviyyəsində disk yırtığı diaqnozu qoyulmuş pasiyentlərin əksəriyyətinin müalicəsi zamanı nəzərəçarpan müsbət klinik effektlər və tomoqrafik təsvirlər nümayiş etdirilib. Axiom Worldwide (ABŞ) istehsalı olan DRX9000™ onurğa dekompressiyası sistemi klinik sınaqlardan keçib. DRX9000™ barədə mənfi qeydlərimiz yoxdur.

Tövsiyələr: Klinik sınaqların nəticələrinə əsasən, Axiom Worldwide (ABŞ) istehsalı olan DRX9000™ Rusiya Federasiyasında tibbi praktikada istifadə üçün tövsiyə oluna bilər.

• Axiom Worldwide istehsalı olan DRX9000™ onurğa dekompressiyası sisteminin klinik tədqiqatları 13 may 2006-cı il tarixindən 24 iyul 2006-cı il tarixinədək 40 nömrəli Şəhər Klinik Xəstəxanasının nevrologiya şöbəsində aparılıb.
• Məqsəd — Axiom Worldwide (ABŞ) istehsalı olan DRX9000™ onurğa dekompressiyası sistemindən Rusiya Federasiyasının tibb müəssisələrində istifadə imkanlarını qiymətləndirmək.
• Klinik tədqiqatlar üçün əsas:
  • Xarici tibbi məmulatların qeydiyyatı şöbəsinin 13.04.06 tarixli 294-05/652Ф-06 nömrəli tapşırığı.
  • ФГУ «ВНИИИМТ» (Ümumrusiya Tibbi Texnika Elmi-Tədqiqat və Sınaq İnstitutu) nəzdindəki Tibbi Məmulatlar Sınaq Mərkəzinin 03.05.06 tarixli 574p/37.1 nömrəli tədqiqat protokolu.
• Klinik tədqiqatların aparılması üçün aşağıdakılar mövcud idi:
  • Axiom Worldwide (ABŞ) istehsalı olan DRX9000 onurğa dekompressiyası sistemi.
  • Texniki sənədlərin və istifadəçi təlimatının tam dəsti.

• DRX9000™ L5–S1 (15 pasiyent), L4–L5 (4 pasiyent) və L3–L4 (2 pasiyent) disk yırtıqları olan pasiyentlərin müalicəsi üçün istifadə olunub.
• Ümumilikdə iyirmi bir pasiyent olub: on dörd kişi və yeddi qadın.
• Pasiyentlərin yaşı iyirmi doqquzdan yetmiş beşə qədər olub.
• On altı halda istifadəçi təlimatında tövsiyə olunan standart altıhəftəlik müalicə kursu tətbiq edilib.
• Beş halda sağlamlıq vəziyyətinin yaxşılaşması və bunun ardınca xəstəxanadan evə yazılma ilə əlaqədar fərdi dördhəftəlik müalicə kursu tətbiq edilib.
• Standart altıhəftəlik terapiya kursu iki həftə ərzində həftədə beş seans, iki həftə ərzində həftədə üç seans və iki həftə ərzində həftədə iki seansdan ibarət olub.
• İyirmi seans aparılıb.
• Fərdi dördhəftəlik terapiya kursu iki həftə ərzində həftədə beş seans, bir həftə ərzində həftədə üç seans və bir həftə ərzində həftədə iki seansdan ibarət olub.
• Seansın müddəti 35–40 dəqiqədir.
• Pasiyentlərin əksəriyyəti birinci gün bədən kütləsinin yarısından dörd kiloqram az göstəriciyə tənzimlənmiş ilkin dekompressiya seansı alıb.
• Müalicənin ikinci günü intensivlik bədən kütləsinin yarısına bərabər olub.
• Hər növbəti vizitdə iki-dörd kiloqram artım tətbiq olunub və nəticədə intensivlik bədən kütləsinin yarısı üstəgəl dörd-səkkiz kiloqrama çatıb.
• Hər seansdan sonra pasiyent «Amplipulse» («Амплипульс») sistemi ilə soyuq applikasiyalar və sinusoidal modulyasiyalı cərəyanlarla terapiya (80–120 Hs) şəklində fizioterapevtik prosedurlar alıb.
• On seansdan sonra müsbət nəticələr göstərən pasiyentlərə həmçinin fiziki terapiya təyin edilib.

DRX9000™ funksionallığına görə Rusiyada yerli analoqlara malik deyil və onurğanın dekompressiyası üçün hazırlanmış bütün digər cihazlardan xeyli üstündür.

L5–S1 onurğa səviyyəsində disk yırtığı diaqnozu qoyulmuş pasiyentlərin əksəriyyətinin müalicəsi zamanı nəzərəçarpan müsbət klinik effektlər və tomoqrafik təsvirlər nümayiş etdirilib. İyirmi bir pasiyentdən on üçündə ağır ağrı sindromları ilə müşayiət olunan böyük yırtıqlar (6 mm-dən çox) olub. DRX9000™ ilə müalicə alan pasiyentlərdən yalnız biri cərrahi korreksiyaya göndərilib. Pasiyentlər həm bel, həm də ətraf ağrılarının azaldığını və/və ya yox olduğunu, həssaslığın bərpa olunduğunu, fiziki aktivliyin artdığını, yuxunun və ümumi sağlamlıq vəziyyətinin yaxşılaşdığını bildiriblər. DRX9000™ ilə onurğanın dekompressiyası seansları zamanı və ya onlardan sonra ağırlaşmalar barədə məlumat verilməyib. Standart daxil edilmə və xaric edilmə meyarlarına əməl olunub.

DRX9000™ sisteminin texniki üstünlüklərinə onurğanın zədələnmiş seqmentinə hədəfli təsir imkanı və müalicənin dəqiqliyini və effektivliyini təmin edən kompüter monitorinq sistemi aiddir. Sistemin funksionallığı yaxşıdır. Sistem asanlıqla quraşdırılır və qoşulur, pasiyent üçün rahatdır. DRX bütün sınaqlar zamanı heç bir mexaniki nasazlıq və ya kosmetik zədə olmadan stabil işləyib. Sistemin xarici səthi yuyucu vasitələrə davamlıdır.

DRX9000™ sisteminin iş prinsipləri və istismar qaydası, həmçinin texniki xarakteristikaları, standart müalicə protokolu və təhlükəsizlik tədbirləri istifadəçi təlimatında ətraflı və tam təsvir olunub. DRX9000™ nevrologiya və fizioterapiya şöbələri üçün tibbi texnikaya qoyulan müasir tələblərə cavab verir. Axiom Worldwide (ABŞ) istehsalı olan DRX9000™ onurğa dekompressiyası sistemi klinik sınaqlardan keçib. DRX9000™ barədə mənfi qeydlərimiz yoxdur.

• Klinik sınaqların nəticələrinə əsasən, Axiom Worldwide (ABŞ) istehsalı olan DRX9000™ Rusiya Federasiyasında tibbi praktikada istifadə üçün tövsiyə oluna bilər.