Onurğanın qeyri-cərrahi dekompressiya terapiyası

J.K. Park, MD. Non-Surgical Spinal Decompression Therapy. Tarixsiz ingilisdilli tezislər; pasiyentlər 2005-ci ilin fevralından 2005-ci ilin mayınadək müəllifin Koreyadakı xəstəxanasında müalicə olunub. Gan TJ, Leslie JB və Pergolizzi JV müəlliflərinin işində (Special Report, Anesthesiology News və Pain Medicine News, 2007-ci ilin dekabrı, istinad 45) belə istinad edilir: Park JK. Nonsurgical spinal decompression therapy. Axiom Worldwide Abstract. Bu tezislərin jurnalda nəşri, DOI-si və ya PubMed-də qeydi tapılmayıb.

Sənəddə «authors hospital» ifadəsindən başqa heç bir müəssisənin adı çəkilmir. 2005-ci ildə dərc olunmuş Koreya tibbi xəbərlərində Pyeongtaek şəhərindəki Park Jin-kyu Hospital (박진규병원) xəstəxanasının direktoru, neyrocərrah Park Jin-kyu (박진규) orada pasiyentləri DRX3000 ilə müalicə edən həkim kimi göstərilir (Dailypharm, 10 iyul 2005-ci il). Həmin xəbərlərdə həmçinin bildirilir ki, xəstəxana 2005-ci ilin fevral–may aylarında müalicə olunmuş 84 pasiyentin müalicə nəticələrini, bu tezislərdə verilən uğur göstəriciləri ilə birlikdə, InterContinental otelində keçirilmiş neyrocərrahiyyə cəmiyyətinin payız elmi konfransında (신경외과학회 추계학술대회) təqdim edib (Medical Times, 27 oktyabr 2005-ci il).

Mətnin qorunub saxlanmış yeganə nüsxəsi DRX9000-in hazırkı istehsalçısı olan Excite Medical şirkətinin (Tampa, Florida, ABŞ) saytında 2020-ci ilin aprelində dərc olunmuş transkripsiyadır. Şirkətin 2011–2018-ci illərdə internetdə yerləşdirdiyi daha əvvəlki nüsxələr (Issuu platformasında sənəd, PDF fayl və səhifə təsvirlərindən ibarət flipbook) artıq əlçatan deyil. Aşağıdakı tərcümə bu transkripsiya əsasında hazırlanıb. Transkripsiyada simvolların tanınması zamanı yaranmış aşkar səhvlər düzəldilib (məsələn, «dinical» «clinical» ilə, «ODD» «DDD» ilə, «*» «™» ilə əvəz olunub); qalan hissədə mətn dərc olunduğu şəkildə tərcümə edilib. Transkripsiyada aşağıda verilmiş şəkil 2 və şəkil 3 var; şəkil 1 isə orada yoxdur.

Mətnlə birlikdə müəllif hüququ və ya lisenziya barədə bildiriş qorunub saxlanmayıb.

Azərbaycan dilinə tərcüməni ELTECH hazırlayıb: mətn rus dilindəki tərcümə əsasında tərcümə olunub və ingilis dilindəki orijinalla tutuşdurulub. İngilis dilindəki mətn qorunub saxlanmış yeganə versiyadır. Mətn ixtisar edilmədən və dəyişdirilmədən verilib.

Giriş: Onurğanın dartılması bel disklərinin degenerativ dəyişikliklərinin və yırtıqlarının effektiv və təhlükəsiz müalicəsi kimi geniş təbliğ olunur. Lakin dartılmanın bel ağrısının (belin aşağı hissəsində ağrının) müalicəsində effektivliyinə dair ədəbiyyat məlumatları ziddiyyətlidir. Bu tədqiqatın məqsədi disk yırtığı və disklərin degenerativ xəstəliyi nəticəsində yaranan bel ağrısından əziyyət çəkən pasiyentlərdə onurğanın qeyri-cərrahi dekompressiya terapiyasının (DRX3000™) klinik nəticələrini öyrənmək olub.

Metodlar: 2005-ci ilin fevralından 2005-ci ilin mayınadək müəllifin xəstəxanasında 84 pasiyent qeyri-cərrahi dekompressiya terapiyası keçib. Terapiya zamanı pasiyentlərin (44 kişi və 40 qadın) yaşı 15-dən 80-ə qədər olub. Diaqnoz: 34 pasiyentdə diskin daxili cırılması, 39 pasiyentdə bel diskinin yırtığı; 11 pasiyentdə disklərin degenerativ xəstəliyi. Müalicə protokolu beşhəftəlik terapiya kursu ərzində onurğanın qeyri-cərrahi dekompressiyasının on səkkiz (18) seansını nəzərdə tuturdu. Hər seans DRX3000™ sistemində qırx beş dəqiqəlik prosedurdan ibarət idi, bu analizdə ağrının yüngülləşməsi və klinik nəticə rəqəmsal reytinq şkalası (NRS) ilə ölçülüb və 0-dan (ağrı yoxdur) 10-a qədər (təsəvvür edə biləcəyim ən güclü ağrı) qiymətləndirilib. Pasiyentlərə dair bütün müvafiq məlumatlar hər gün müalicədən əvvəl qeydə alınıb. Müalicənin uğuru NRS şkalası üzrə ağrının 5 bala qədər azalması ilə müəyyən edilib. Ümumilikdə onurğanın qeyri-cərrahi dekompressiya terapiyası müalicə alan pasiyentlərin təxminən 87 faizində yaxşılaşmaya səbəb olub.

Nəticələr: Müalicə diskin daxili cırılması (IDD) diaqnozu qoyulmuş 34 pasiyentin 85%-ində, bel disklərinin yırtığı diaqnozu qoyulmuş 39 pasiyentin 89%-ində və disklərin degenerativ xəstəliyi (DDD) diaqnozu qoyulmuş 11 pasiyentin 82%-ində uğurlu olub. Ümumi uğur göstəricisi 87% təşkil edib

Yekun: Fəqərəarası disk zədələndikdə DRX3000™ aparatı ilə onurğanın qeyri-cərrahi dekompressiyası müəyyən diskogen sindromları olan pasiyentlərin müalicəsində effektiv vasitədir.
Onurğanın qeyri-cərrahi dekompressiya terapiyası ağrının intensivliyini xeyli azaldır və bir və ya bir neçə səviyyədə diskopatiyası olan pasiyentlər üçün cərrahi müdaxilədən əvvəl real müalicə variantı kimi nəzərdən keçirilməlidir.

Zədələnmiş diskləri patoloji prosesə cəlb olunmuş onurğa seqmentinin qeyri-cərrahi dekompressiyası yolu ilə müalicə etmək olar; bu, diskdaxili təzyiqi xeyli azaldır və beləliklə sağalmaya və bərpaya imkan yaradır. Distraksiya qüvvələrini onurğa sütununun müəyyən onurğa-hərəkət seqmenti (FSU) hüdudlarında təcrid edərək, seqmentin aralanmasına imkan verərək, True Nonsurgical Spinal Decompression™ yaratmaq üçün zəruri olan diskdaxili mənfi təzyiq yaradaraq. Onurğanın dekompressiyası diskin reoksigenasiyasına, cavanlaşmasına, rehidratasiyasına və renubified olmasına imkan verə bilən prosesdir.

Daxil edilmə meyarları

• Bel disklərinin yırtıqları və qabarmaları
• Diskin daxili cırılması
• Disklərin degenerativ xəstəliyi
• Beşhəftəlik müalicə protokolunu keçmək imkanı olan pasiyentlər

Xaric edilmə meyarları

• 6 aydan az müddət əvvəl aparılmış bel spondilodezi
• Spondiloz
• Spondilolistez
• Son bir il ərzində kompression sınıq
• Hamiləlik
• Ağır osteoporoz
• Sümüyün metastatik şişi

Prosedur

• DRX3000™ ilə 45-ci prosedur
• Sonra 15 dəqiqə buz tətbiqi və interferension terapiya
• 1-ci həftə 5 gün
• 2-ci həftə 5 gün
• 3-cü həftə 3 gün
• 4-cü həftə 3 gün
• 5-ci həftə 2 gün
• Distraksiya yükləri
• 1-ci gün: bədən kütləsinin 1/2 hissəsi – 10 funt
• 2-ci gün: bədən kütləsinin 1/2 hissəsi

• Ağrının yüngülləşməsi və klinik nəticə rəqəmsal reytinq şkalası (NRS) ilə ölçülüb və 0-dan (ağrı yoxdur) 10-a qədər (təsəvvür edilə biləcək ən güclü ağrı) qiymətləndirilib.
  Pasiyentlərə dair bütün müvafiq məlumatlar hər gün müalicədən əvvəl qeydə alınıb.
• Müalicənin uğuru NRS şkalası üzrə 5 bal azalma ilə müəyyən edilib. Ümumilikdə onurğanın qeyri-cərrahi dekompressiya terapiyası müalicə alan pasiyentlərin təxminən 87 faizində yaxşılaşmaya səbəb olub

Fəqərəarası disk zədələndikdə DRX3000™ aparatı ilə onurğanın qeyri-cərrahi dekompressiyası müəyyən diskogen sindromları olan pasiyentlərin müalicəsində effektiv vasitədir.

Onurğanın qeyri-cərrahi dekompressiya terapiyası ağrının intensivliyini xeyli azaldır və təksəviyyəli və ya çoxsəviyyəli diskopatiyası olan pasiyentlər üçün cərrahi müdaxilədən əvvəl real müalicə variantı kimi nəzərdən keçirilməlidir.